Sykkylven kyrkje 7.-9- februar.
Alle kan lære å dirigere, og alle kan synge!
Bli med og lær noko nytt saman med andre på din eigen alder: frå 4.klasse og oppover til ferdig vidaregåande-alder. Det kjem fleire ungdommar som syng i kor i Spjelkavik kyrkje, og det kjem også ungdommar frå andre stadar. Dei som kjem frå Sykkylven, kan enten overnatte i kyrkja eller heime.
Oppstart fredag kl.18:00
Vi øver inn mange nye songar som vi syng i gudstenesta søndag kl.11:00.
Laurdag blir den store øvedagen, frå kl.9:00. Men vi har også pausar, og kl.17:00 går alle som vil, bort til Kulturhuset og ser på UKM.
Leirsjef og kjøkkenansvarleg er Kathinka Møller frå Spjelkavik, så vi får god mat.
Musikk- og instruksjonsansvarleg er Rose Iren Stave frå Sykkylven, og Carolin Eide, kantor frå Eidsdal, blir med som akkompagnatør.
Pris for medlemmar i Ung Kirkesang er kun 500kr. Medlemskap får du når du betaler medlemskontingent i ditt lokale kor, eller i det regionale ungdomskoret. Betaling blir fakturert etter helga.
Spør om du lurer på noko! Det er lov å kome og prøve.
Påmelding pr mail direkte til Ung Kirkesang sin opplæringskonsulent, Ingvild Vist: ingvild@sang.no
Skriv: Namn, fødselsdato, adresse, postnummer, mobilnummer, e-post, og eventuelt namnet på koret ditt.
Velkommen til Sykkylven kyrkje fredag 7.februar kl.18! Gå inn kjellarinngangen.
Alle velkomne til gudstenesta søndag 9.febr kl.11! Kom og høyr og syng med oss.