Orgelklubben i Møre


Helgesamlingar for orgelinteresserte barn og ungdommar i Møre&Romsdal. 

Sist samling var 15.juni 2020 i Spjelkavik kyrkje. Då gjekk vi gjennom vårt rykande ferske bestillingsverk: 3 orgelsuiter over folketonar frå Møre, av Robert Coates.

Til hausten vil vi jobbe vidare med dette, og ha konsertar rundtom. Vi vil også besøke Robert Coates på Nordmøre. Til våren er vi invitert til å besøke orgelklubben i Nidarosdomen!

Nye orgelinteresserte born og ungdommar er alltid velkomne til orgelklubben! 

 

Hausten 2019 var Orgelklubben på tur til Oslo. Vi fekk bu i Nordstrand kyrkjelydshus, og prøvde det nye orgelet i Nordstrand kyrkje. I Oslo Domkyrkje var vi på orgelkonsert, og domkantor Kåre Nordstoga let oss prøve det store orgelet i domkyrkja etter konserten. I Uranienborg kyrkje sat vi på galleriet ved sida av orgelet under gudstenesta, og vi fekk prøve orgelet etterpå. Kantor Inger Lise Ulsrud viste oss opp i klokketårnet etterpå, og klokkenisten lærte oss om det store klokkespelet. Deretter viste professor Inger Lise Ulsrud oss rundt på Norges Musikkhøgskole, der vi også fekk prøve mange orgel. 
LES MEIR OM OSLOTUREN

 

--------
 

Artikkel i tidsskriftet Norsk kirkemusikk 2018:
Tekst: Rose Iren Stave
Foto: Jorun Kvalsund Jarnes 

Tilbake